ខ្សែប្រយុទ្ធ Eden Hazard ថាក្រុម Real Madrid នារដូវកាលនេះ ដាក់គោលដៅយកទាំង La Liga និងពានរង្វាន់ UEFA Champions League ។
ក្រុម Real Madrid នឹងត្រូវលេងទល់ក្រុម Club Brugge នៅរាត្រីនេះហើយពានរង្វាន់ UEFA Champions League វគ្គសន្សំពិន្ទុក្នុងពូល។ នេះជាការប្រកួតសំខាន់បំផុតរបស់ Real Madrid ព្រោះថាប្រកួតទី១កន្លងទៅ ពួកគេបានបរាជ័យក្រោមថ្វីជើង PSG ៣-០ ទៅហើយ។ ដូច្នេះ ប្រកួតទី២នៅយប់នេះ គឺត្រូវការឈ្នះដាច់ខាត មិនអាចបរាជ័យបានទេ។
មុនការប្រកួតចាប់ផ្ដើម កីឡាករចំណូលថ្មីដែលមានតម្លៃខ្លួនខ្ពស់ជាងគេទើបទិញចូល Hazard បានបោះសម្ដីថា៖ “Real Madrid ចង់ឈ្នះទាំង La Liga និង Champions League។ ខ្ញុំដឹងថាខ្ញុំត្រូវធ្វើយ៉ាងណាសម្រាប់ក្រុមនេះ ខ្ញុំគឺជាចំណែកមួយដែលធ្វើឱ្យក្រុមផ្លាស់ប្ដូរទៅ១កម្រិតទៀត។ អ្នកគាំទ្រនិងសមាជិកក្រុមតែងតែទាមទារច្រើនពីខ្ញុំ ហើយខ្ញុំក៏យល់រឿងនេះដែរ”៕ប្រភព៖ Marca
