លោក Simeone អ្នកចាត់ការក្រុម Atletico Madrid បានហៅអាជ្ញាកណ្ដាលទី៤ ក្នុងការប្រកួតទល់ក្រុម Real Madrid ចុងសប្ដាហ៍មុនថា អាពងតូច ក្រោយពីមិនផ្ដល់កាតដល់ Ramos ។
ជំនួប Madrid Derby បានបញ្ចប់ទៅដោយលទ្ធផលស្មើគ្នា ០-០ ។ ក្នុងការប្រកួតនោះដែរ លោក Simeone បានប្រើពាក្យមិនសមរម្យលើអាជ្ញាកណ្ដាលទី៤ឡើយ ក្រោយពីលោកមើលឃើញថាអាជ្ញាកណ្ដាលរូបនេះ មិនពិន័យ Ramos ដែលប្រើពាក្យមិនសមរម្យដែរ។ អ្នកចាត់ការដែលប្រើអារម្មណ៍ច្រើននោះ បាននោះពាក្យទៅអាជ្ញាកណ្ដាល អមជាមួយកាយវិការផងថា៖ “បាល់(ពង) របស់អ្នកតូចណាស់”។
រឿងនេះដែរ ត្រូវបានគេនឹកឃើញដល់កាល Costa ដែលប្រើកាយវិការមិនសមរម្យដាក់អាជ្ញាកណ្ដាលនេះ ពេលលេងទល់ក្រុម Barcelona ។ ដោយគ្រានោះ Costa ទទួលបានកាតក្រហម ហើយត្រូវជាប់ពិន័យរហូតដល់៨ប្រកួតថែមទៀតផង៕ប្រភព៖ Marca