លោក Solskjaer បានឆ្លើយតបទៅនឹងការរិះគន់របស់អ្នកគាំទ្រចំពោះការដឹកនាំក្រុមរបស់លោក នាដើមរដូវកាលនេះ ក្រោយពីធ្វើមិនសូវបានល្អ។
ក្រុមបិសាចក្រហម Manchester United នឹងត្រូវប៉ះក្រុមកាំភ្លើងធំ Arsenal នាម៉ោង២រំលងអាធ្រាត្រនេះ។ ពួកគេធ្វើមិនបានល្អទាល់តែសោះនាការប្រកួត៦ប្រកួតកន្លងមកនេះ ដោយទើបមាន៨ពិន្ទុប៉ុណ្ណោះ នៅក្រោមក្រុមកំពូលតារាង Liverpool ឆ្ងាយណាស់។ រឿងនេះហើយ ទើបធ្វើឱ្យអ្នកគាំទ្ររិះគន់ទៅលើការដឹកនាំរបស់លោក Solskjaer កាន់តែខ្លាំង។
យ៉ាងណាមិញ អតីតកីឡាកររបស់ Man Utd ដែលដឹកនាំក្រុមនៅពាក់កណ្ដាលរដូវកាលមុន បាននិយាយតបទៅវិញថា៖“សម្រាប់យើង វាជាកាចាប់ផ្ដើមកសាងក្រុមថ្មីមួយ។ វាមិនមែនជារឿងងាយក្នុងការធ្វើវាទេ យើងត្រូវការពេលមួយជំហានម្ដង។ យើងត្រូវការពេលវេលាច្រើន ដើម្បីឱ្យពួកគេធ្វើការជាមួយគ្នាឱ្យកាន់តែល្អឡើង”៕
ប្រភព៖ DailyMail