Ramos៖ “មួយ​ពិន្ទុ​តិច​ណាស់ ព្រោះ R.Madrid ចង់​បាន ៣ ពិន្ទុ​ទេ​យប់​មិញ”

នៅ​ជំនួប Madrid Derby ក្រុម​ទាំង​ពីរ​បាន​ត្រឹម​ចែក​គ្នា​ម្នាក់​មួយ​ពិន្ទុ​រៀង​ខ្លួន ក្រោយ​បញ្ចប់​នៅ​លទ្ធផល ០-០។

ក្រោយ​បិទ​ការ​ប្រកួត​ប្រធាន​ក្រុម Sergio Ramos ​ហាក់​បង្ហាញ​ការ​សោកស្ដាយ​ដែល​ក្រុម​បាន​ទទួល​ត្រឹម ១ ពិន្ទុ។ ប្រាប់ Movistar លោក​បញ្ជាក់​ថា៖ “ការ​លេង​នៅ​កីឡដ្ឋាន​នេះ​រាប់​ជា​ការ​ប្រកួត​ដ៏​លំបាក​បំផុត ហើយ​រឿង​ដែល​សំខាន់​គឺ​ការ​ទប់​មិន​ឲ្យ​របូត​គ្រាប់​បាល់ យ៉ាងណាមិញ​នៅ​តំបន់​ការពារ​របស់​ពួក​គេ​ក៏​មិន​បាន​បង្កើត​ចន្លោះ​ឲ្យ​យើង​ច្រើន​ផង​ដែរ ជា​ហេតុ​ធ្វើ​ឲ្យ​ការ​ប្រយុទ្ធ​រាង​លំបាក​បន្តិច”។

លោក​បន្ត៖ “តាម​ពិត​ ១ ពិន្ទុ​នេះ​ពុំ​ច្រើន​នោះ​ទេ ព្រោះ​យើង​ពិត​ជា​ចង់​បាន​ ៣ ពិន្ទុ”។ សួរនាំ​ដល់​ការ​ត្រលប់​មក​វិញ​នូវ​ភាព​ល្អ​ប្រសើរ​នៅ​ប៉ុន្មាន​សប្ដាហ៍​ចុង​ក្រោយ​នេះ កីឡាករ​សញ្ជាតិ​អេស្ប៉ាញ​សង្កត់​ធ្ងន់​ថា៖ “ទាំង​នេះ​ជា​អ្វី​ដែល​យើង​កំពុង​ខិតខំ ហើយ​គ្រប់​យ៉ាង​ក៏​ទទួល​បាន​ផល​ល្អ​ប្រសើរ ដែល​យើង​រីករាយ​នឹង​ទទួល​ជា​ទី​បំផុត”៕ ប្រភព៖ Marca

ភ្ជាប់ទំនាក់ទំនងជាមួយ CTS SPORT