Lampard ​នាំ Chelsea ​រក​ឃើញ​ជ័យជម្នះ​ក្នុង​ដី​រដូវ​កាល​នេះ​ហើយ​

Lampard ​ដឹក​នាំ​ក្រុម Chelsea ​រក​ឃើញ​ជ័យជម្នះ​ក្នុង​ដី​លើក​ដំបូង​នា​រដូវ​កាល​នេះ​ហើយ ដោយ​យក​ឈ្នះ​លើ​ក្រុម Brighton ​ក្នុង​លទ្ធផល ​២-០។

ក្រុម​តោ​ខៀវ ​ក្រោម​ការ​ដឹក​នាំ​របស់​លោក Lampard ​មិន​ទាន់​ស្គាល់​ឈ្នះ​ក្នុង​ដី​ទេ​កន្លង​មក ​ដោយ​ទើប​យប់​មិញ​នេះ​ហើយ ដែល​ពួកគេ​ធ្វើ​បាន​ល្អ​យក​ឈ្នះ​លើ​ក្រុម Brighton ​បាន​ដល់​ទៅ​២​គ្រាប់។ ដោយ​២​គ្រាប់​នេះ​ធ្វើ​បាន​សម្រេច​ដោយ Jorginho ​នៅ​នាទី​៥០ ​និង Willian ​នៅ​នាទី​៧៦។

Lampard ​ដែល​អ្នក​ចាត់ការ​ក្រុម Chelsea ​បាន​និយាយ​ក្រោយ​ចប់​ការ​ប្រកួត​នេះ​ដែរ​ថា​៖ “នេះ​ជា​អ្វី​ដែល​យើង​រង់​ចាំ​វា។ ហេតុ​ផល​យើង​មិន​ឈ្នះ​ក្នុង​ផ្ទះ​របស់​យើង ព្រោះ​យើង​មិន​បាន​ដាក់​ចិត្ត​លេង​ឱ្យ​បាន​ពេញ​៩០​នាទី។ ថ្ងៃ​នេះ​យើង​បាន​ដាក់​ចិត្ត​និង​មាន​ទម្រង់​លេង​ល្អ​ណាស់។ យើង​មាន​ឱកាស​រក​គ្រាប់​បាល់​លើស​ពី​២​គ្រាប់​ទៀត​ថ្ងៃ​នេះ ប៉ុន្តែ​ការ​រក្សា​សំណាញ់​ទី​បាន​ក៏​ជា​រឿង​ល្អ​សម្រាប់​យើង​ដែរ”៕

ប្រភព៖ DailyMail

ភ្ជាប់ទំនាក់ទំនងជាមួយ CTS SPORT