ខ្សែប្រយុទ្ធ Alex Sanchez រកគ្រាប់បាល់ទី១ឱ្យក្រុម Inter Milan បានហើយ ប៉ុន្តែក៏ទទួលបានកាតក្រហមផងដែរ ក្នុងការប្រកួតយកឈ្នះលើក្រុម Sampdoria ៣-១។
Sanchez រកគ្រាប់បាល់បាននៅនាទី២២ ដែលនេះជាគ្រាប់បាល់ដំបូងរបស់គេឱ្យក្រុម Inter Milan ។ តែគួរឱ្យសោកស្ដាយនៅយប់នេះ មិនមែនជាយប់ល្អសម្រាប់កីឡាករឈីលីនេះទេ ត្បិតអីក្រោយពីរកគ្រាប់បាល់បានហើយ នៅនាទី៤៦ ក៏ត្រូវបណ្ដេញចេញពីទីលានទៅហើយ ដោយសារតែធ្វើពុតជាដួលក្នុងប្រអប់គ្រោះថ្នាក់។
កាតក្រហមនេះដែរ ជាធម្មតានឹងត្រូវអវត្តមាន១ប្រកួត ហើយប្រកួតបន្ទាប់របស់ក្រុម Inter Milan គឺត្រូវប៉ះជាមួយក្រុម Juventus ដែលជាប្រកួតសំខាន់ថែមទៀតសម្រាប់ក្រុមមួយនេះ។ បច្ចុប្បន្ននេះ Inter Milan ឈរនៅលេខ១ ដោយមិនទាន់ស្គាល់បរាជ័យឡើយក្នុងក្របខណ្ឌ Serie A ៕
ប្រភព៖ DailyMail