នាវេលាម៉ោង ១០:៣០ នាទីយប់នេះក្លឹប Paris Saint-Germain នឹងត្រូវតតាំងក្រុម Bordeaux នៅជំនួបជុំទី ៨ នៃលីគកំពូលបារាំង។ 
មុនឈានដល់ការប្រកួតអ្នកចាត់ការលោក Thomas Tuchel បានបង្ហើបដល់សមាសភាពកីឡាករសំខាន់របស់ខ្លួននៅសន្និសីទសារព័ត៌មាន ដោយឆ្លើយតបថាទាំង Mauro Icardi និង Kylian Mbappe សុទ្ធសឹងតែមានឈ្មោះចូលរួមការប្រកួតដូចគ្នា។
ជជែកដល់ស្ថានភាពប្រកួតនៅពេលខាងមុខ លោក Tuchel និយាយថា៖ “Bordeaux ពួកគេកំពុងធ្វើបានយ៉ាងល្អ បែបនេះនឹងជាការប្រកួតដ៏លំបាកមួយ ប៉ុន្តែយើងចាំបាច់ត្រូវតែស្វែងរកជ័យជម្នះ ត្បិតមានការអវត្តមាននៅកីឡាករមួយចំនួនក៏ដោយក្តី”៕ ប្រភព៖ BeSoccer
