• Totti៖ “សមត្ថភាព​ប៉ុន​ខ្ញុំ បើ​តាម​ហាងឆេង​ទីផ្សារ​សព្វថ្ងៃ មាន​តម្លៃ​ដល់ ២០០ លាន​អឺរ៉ូ”

    Francesco Totti ជា​អតីត​កីឡាករ​ជើង​ចាស់​មួយ​រូប​របស់​ក្លឹប AS Roma ដែល​សព្វថ្ងៃ​លោក​បាន​ចូល​និវត្តន៍​ពី​វិស័យ​បាល់ទាត់​ហើយ ក្រោយ​បង្ហាញ​ខ្លួន ២៥ រដូវ​កាល​នៅ Serie A រក​បាន ៣០៧ គ្រាប់​ក្នុង​ការ​បង្ហាញ​ខ្លួន ៧៨៦ ប្រកួត។

    យ៉ាងណាមិញ​បើ​និយាយ​ពី​តម្លៃ​ខ្លួន​នា​ពេល​បច្ចុប្បន្ន​បុរស​វ័យ ៤១ ឆ្នាំ​បាន​វាយ​តម្លៃ​គុណភាព​លេង​របស់​ខ្លួន​ឯង ដែល​ថា​អាច​មាន​តម្លៃ​ដល់​ទៅ ២០០ លាន​អឺរ៉ូ​ឬ ១៧៨ លាន​ផោន​ឯ​ណោះ។

    បញ្ជាក់​ថា​ Totti ជា​កីឡាករ​ស្ម័គ្រស្មោះ​មិន​ប្តូរ​ទ្រនំ រួមរស់​នៅ Roma តាំង​ពី​ចាប់​អាជីព​ជា​កីឡាករ​បាល់ទាត់ ដោយ​កាល​ពី​ឆ្នាំ ២០០៤ ក្លឹប Real Madrid ក៏​ធ្លាប់​ទម្លាក់​សំណើ​ចង់​នាំ​រូប​គេ​មក​អេស្ប៉ាញ តែ​សាមី​ខ្លួន​បាន​បដិសេធ ហើយ​ស៊ូ​គ្រោង​ឈុត​បាល់ទាត់​តែ​មួយ​គត់​ឲ្យ​ក្លឹប Roma៕ ប្រភព៖ SportBible

    ភ្ជាប់ទំនាក់ទំនងជាមួយ CTS SPORT