អតីតវីរបុរសនៅក្លឹប Barcelona គឺលោក Rivaldo បានបង្ហាញការយល់ឃើញជុំវិញស្ថានភាពរបស់ Lionel Messi នារដូវកាល ២០១៩/២០ នេះ ដែលខកខានប្រកួតជាច្រើន ខណៈការរងរបួសចេះតែកើតមានម្ដងជាពីរលើក។
នៅប្រកួតទល់ Villarreal តារាឆ្នើមសញ្ជាតិអាហ្សង់ទីនបង្ហាញខ្លួនបានតែ ៤៥ នាទីគត់ ហើយត្រូវប្តូរចេញជាបន្ទាន់ ក្រោយគ្រូបង្វឹកមើលឃើញថាហាក់មានបញ្ហារបួស។ ជជែកប្រាប់សារព័ត៌មាន Betfair លោក Rivaldo និយាយថា៖ “ក្រោយពេលដែលកីឡាករអាហ្សង់ទីនត្រលប់ពីបញ្ហារបួស ក្លឹបគួរតែប្រុងប្រយ័ត្នកុំប្រញាប់ឲ្យគាត់ត្រលប់មកវិញពេក”។
លោកបន្តប្រាប់ថា៖ “Messi គេមានវ័យ ៣២ ឆ្នាំហើយ ដោយបានលេងនៅកម្រិតដ៏ខ្ពស់មួយអស់រយៈពេលជាយូរដោយគ្មានពេលសម្រាក បែបនេះវាធម្មតាហើយដែលឃើញគាត់ជួបបញ្ហាបែបនេះខ្លះ”៕ ប្រភព៖ Goal