សហព័ន្ធបាល់ទាត់អេស្ប៉ាញ បានសម្រេចពិន័យក្រុម Barcelona ចំនួន៣០០អឺរ៉ូ ចំពោះរឿងដែលលួចទាក់ទងកីឡាករ Greizmann ស្ងាត់ៗ មុនការផ្ទេរកើតឡើង។
ក្រុម Atletico Madrid បានប្ដឹងទៅសហព័ន្ធបាល់ទាត់អេស្ប៉ាញ ដោយចោទប្រកាន់ក្លឹប Barcelona ថាបានលួចទាក់ទងកីឡាករបារាំងខាងលើស្ងាត់ៗ ធ្វើឱ្យតម្លៃខ្លួនរបស់គេធ្លាក់ចុះពី២០០លានអឺរ៉ូមកត្រឹមជាង១០០លានអឺរ៉ូ។ ដោយសារតែមានការចោទប្រកាន់គ្នាទៅវិញទៅមកនេះហើយ ទើបបានជាសហព័ន្ធបាល់ទាត់ប្រទេសនេះសើបអង្កេត រហូតដល់បច្ចុប្បន្ននេះ សម្រេចពិន័យក្រុមអ្នកមានបុណ្យហើយ។ ដោយពិន័យចំនួន៣០០អឺរ៉ូពីបទល្មើសច្បាប់ទិញដូរកីឡាករ។
Griezmann បានប្រកាសលាអ្នកគាំទ្រ Atletico Madrid តាំងពីមុនចប់រដូវកាលមកម្ល៉េះ ព្រោះរូបគេចង់ទៅលេងឱ្យក្រុម Barcelona នេះ។ កត្តាលាមុន និងធ្លាយរឿងទាក់ទងគ្នាដោយមិនឆ្លងកាត់ក្លឹបសិនហើយ ទើបបានជាអ្នកគាំទ្រក្រុម AT Madrid បច្ចុប្បន្ននេះមិនពេញចិត្តជាមួយ Griezmann ឡើយ៕
ប្រភព៖ Marca