រដូវកាលនេះអាចចាត់ទុកថាជារដូវកាលអាក្រក់បំផុតរបស់ Lionel Messi ដោយសារតែរូបគេរងរបួសជាប់រហូត មិនអាចជួយក្រុម Barcelona បានច្រើនទាល់តែសោះ។
ក្នុងការប្រកួតមិត្តភាពបើករដូវកាលកន្លងទៅ Messi បានរងរបួស ដែលធ្វើឱ្យរូបគេខកខានប្រកួតនាដើមរដូវកាលនេះ រហូតទើបតែលេងប៉ះ Dortmund នៅ Champions League ទើបបានចូលលេងវិញ។ ខណៈដែលចូលលេងមិនទាន់បានពេញជើងផង ក៏ស្រាប់តែពេលនេះមានរបួសភ្លៅទៀតហើយ។ របួសនេះ នឹងធ្វើឱ្យកីឡាករអាហ្សង់ទីន អវត្តមានក្នុងការប្រកួតជាមួយក្រុម Gatafe នៅថ្ងៃសៅចុងសប្ដាហ៍ខាងមុខនេះទៀត។ដោយសារតែកត្តារបួសជាប់ និងមិនអាចជួយក្រុម Barcelona បានប៉ុន្មានប្រកួតមកហើយនេះ ទើបបានជាគេចាត់ទុករដូវកាលនេះ អាចជារដូវកាលអាក្រក់បំផុតមួយរបស់ Messi ។ ខណៈដែល Barcelona បច្ចុប្បន្ននេះ ក៏លេងមិនបានល្អដែរនាប៉ុន្មានប្រកួតបើកឆាកដំបូង La Liga ៕
ប្រភព៖ Marca