ខ្សែប្រយុទ្ធ Kasper Dolberg របស់ក្លឹប Nice បានបាត់នាឡិកាតម្លៃជាង៦ម៉ឺនផោនក្នុងបន្ទប់ផ្លាស់សំលៀកបំពាក់ ហើយគេដឹងថាកីឡាករវ័យ១៨ឆ្នាំ Lamine Diaby ដែលជាមិត្តរួមក្រុម គឺជាអ្នកយកនាឡិកាមួយនោះ។
កីឡាករ Kasper Dolberg
Dolberg បានចូលរួមជាមួយក្រុម Nice កាលពីរដូវកាលដោះដូរកីឡាករនេះ ក្នុងតម្លៃខ្លួន១៨លានផោនផ្លាស់ពីក្លឹប Ajax មក។ រូបគេបានបាត់នាឡិកាសំណព្វចិត្តរបស់ខ្លួនក្នុងបន្ទប់ផ្លាស់សំលៀកបំពាក់របស់ក្រុម Nice កាលពីពេលកន្លងទៅហើយ។ ក្រោយពីមានការសើបសួរ និងស្រាវជ្រាវមួយរយៈមក ក៏ស្រាប់តែរកឃើញថានាឡិកានោះ គឺមិត្តរួមក្រុម Lamine ជាអ្នកយកវាទៅ។
កីឡាករ Lamine Diaby
ក្រោយពីរកឃើញមុខចោរលួចទៅហើយ ក្លឹប Nice បានព្យួរជើងកីឡាករវ័យ១៨ឆ្នាំខាងលើហើយ។ ខណៈដែលថ្នាក់ដឹកនាំកំពុងពិភាក្សាគ្នាបន្ដទៀតថាគួរតែបណ្ដេញកីឡាករនេះចេញពីក្រុមតែម្ដង ឬយ៉ាងណា ព្រោះការលួចរបស់មិត្តរួមក្រុមនេះគឺជាអំពើគួរឱ្យខ្មាសអៀនខ្លាំងណាស់៕
ប្រភព៖ DailyMail
