ទាំងគ្រូបង្វឹក ប្រធានក្រុម និងអ្នកកាសែតរបស់អេហ្ស៊ីប មិនបានបោះឱ្យ Mohamed Salah ជាកីឡាករល្អរបស់ FIFA ក្នុងឆ្នាំ២០១៩នេះទេ។
លោក Ahmed Elmohamady ប្រធានក្រុមជម្រើសជាតិអេហ្ស៊ីប លោក Shawky Ghareeb ដែលជាគ្រូបង្វឹកបានបញ្ជាក់ថាពួកគេបោះឱ្យ Salah ជាជម្រើសទី១ ប៉ុន្តែបែរជាមិនបានចុះឈ្មោះជាមួយ FIFA ទៅវិញ។ នេះបញ្ជាក់ថាការបោះរបស់ពួកគេ គឺគ្មានន័យឡើយ។ ស្របពេលលោក Hany Danial ដែលជាអ្នកកាសែតតំណាងប្រទេសនេះវិញ បែរជាបោះឱ្យ Mane លេខ១ Ronaldo លេខ២ និង Salah នៅចំណាត់ថ្នាក់លេខ៣ទៅវិញ។
រឿងនេះ បានធ្វើឱ្យខ្សែប្រយុទ្ធ Liverpool ដែលកំពុងមានបញ្ហាជាមួយសហព័ន្ធបាល់ទាត់អេហ្ស៊ីបផងនោះ មិនសប្បាយចិត្តឡើយ។ ហើយបំណងចង់ឈប់លេងឱ្យជម្រើសជាតិនេះក៏មានកាន់តែច្រើនឡើងដែរ៕ប្រភព៖ Dailymail
