Lionel Messi បានប្រកាសពីគម្រោងមុនចូលនិវត្តន៍របស់ខ្លួនហើយ ដោយចង់ទៅលេងក្លឹប Newell’s Old Boys ក្នុងប្រទេសអាហ្សង់ទីន។
ក្លឹបមួយនេះ គឺជាក្លឹបដែល Messi ចូលលេងបាល់ដំបូង នៅឆ្នាំ១៩៩៤ ហើយបានចំណាយពេលនៅទីនោះ៦ឆ្នាំមុនពេលផ្លាស់មកលេងឱ្យក្រុម Barcelona ។ ដោយក្នុងឱកាសទទួលពានរង្វាន់ FIFA Best Player ម្សិលមិញនេះ កីឡាករវ័យ៣២ឆ្នាំក៏បាននិយាយពីក្លឹបចាស់របស់ខ្លួននេះដែរ។ កីឡាករឆ្នើមកម្រិតពិភពលោកនេះ បញ្ជាក់ថារូបគេចង់ចូលនិវត្តន៍នៅក្លឹបចាស់របស់ខ្លួនគឺ Newell’s Old Boys តែម្ដង ដែលជាក្លឹបនៅស្រុកកំណើត។
Messi ក៏បានបញ្ជាក់ទៀតថាការងារក្រោយពីលោកចូលនិវត្តន៍ទៅ គឺនឹងចាប់យកមុខតំណែងជាគ្រូបង្វឹកមិនខាន ត្បិតអីជីវិតរបស់ Messi គឺនៅជាមួយបាល់ទាត់នេះហើយ៕ប្រភព៖ Dailymail
