ពានរង្វាន់គ្រាប់បាល់បាល់ល្អ FIFA Puskas បានទៅលើកីឡាករ Daniel Zsori លេងនៅក្លឹបមួយក្នុងប្រទេសហុងគ្រី ដែលរូបគេទាត់បាល់បកចេកយ៉ាងស្អាតបញ្ចូលទី។
ពានរង្វាន់គ្រាប់បាល់ល្អនេះ មាន៣នាក់ដណ្ដើមគ្នាគឺ Lionel Messi , Juan Quintero និង Daniel Zsori ខាងលើនេះឯង។ ក្រោយពីធ្វើការបោះឆ្នោតទៅ គឺ១គ្រាប់នៅចុងម៉ោងដែលធ្វើបានដោយ Daniel ស៊ុតបានស្អាតនោះ ជាអ្នកឈ្នះគ្រាប់បាល់ដទៃទៀត។ ១គ្រាប់ជួយក្រុម Debrecen នៅចុងម៉ោងនេះ ក៏ជាប្រកួតដំបូងរបស់គេដែលបានបង្ហាញខ្លួនផងដែរ ត្រឹមវ័យ១៨ឆ្នាំ។
ទទួលបានពាននេះ បានធ្វើឱ្យកីឡាករកើតនៅរ៉ូម៉ានីខាងលើសប្បាយចិត្តជាខ្លាំង ព្រោះខ្លួនមិនដែលមានចិត្តហានស្រមៃថាបានឡើងលើឆាកនេះ ទទួលពានរង្វាន់នៅចំពោះមុខកីឡាករកំពូលៗ និងថ្នាក់ដឹកនាំកម្រិតពិភពលោកក្នុងវិស័យបាល់ទាត់នេះទេ៕ប្រភព៖ Dailymail
