ក្នុងព្រឹត្តិការណ៍ The Best FIFA Football Awards ឆ្នាំ ២០១៩ ដែលបានរៀបចំឡើងដោយសហព័ន្ធបាល់ទាត់ពិភពលោក (FIFA) នៅទីក្រុង Milan ប្រទេសអ៊ីតាលីកាលពីម៉ោងរំលងអាធ្រាត្រាឈានចូលព្រឹកថ្ងៃអង្គារនេះ បានបញ្ចប់ទៅយ៉ាងរលូន ក្រោមជោគជ័យរបស់កីឡាករ Lionel Messi។
ក្រឡេកទៅមើលការចូលរួម FIFA បានកោះអញ្ជើញសមាជិកនៃសហព័ន្ធបាល់ទាត់តាមតំណាងប្រទេសនីមួយៗ ហើយសម្រាប់កម្ពុជាយើងវិញក៏មានវត្តមានអ្នកស្រី ពុធ ធីតា ដែលជាសមាជិកគណៈកម្មាធិការប្រតិបត្តិសហព័ន្ធកីឡាបាល់ទាត់កម្ពុជា ជំនួសមុខឲ្យឯកឧត្ដមប្រធានសហព័ន្ធអញ្ជើញចូលរួមកម្មវិធីដ៏ធំមួយនោះកាលពីយប់មិញ។
រំឭកថាក្នុងឱកាសនេះដែរ លោកស្រីក៏បានប្រើប្រាស់នូវឈុតសំលៀកបំពាក់និងកាបូបដៃដែលជារចនាបថរបស់ខ្មែរយើង ដើម្បីជាការលើកស្ទួយវប្បធម៌ជាតិខ្មែរនៅលើឆាកអន្តរជាតិនិងកម្មវិធីលំដាប់ពិភពលោកនេះផងដែរ៕ ប្រភព៖ សហព័ន្ធកីឡាបាល់ទាត់កម្ពុជា