បន្ទាប់ពីប្រកាសអ្នកឈ្នះពានកីឡាករល្អប្រចាំឆ្នាំ “The Best” សហព័ន្ធបាល់ទាត់ FIFA ក៏បានបង្ហាញ ផ្លូវការនូវជម្រើស ១១ រូបល្អបំផុត ដែលក្នុងនោះមានសមាជិកក្រុមស្តេចស Real Madrid ដល់ទៅ ៤ រូប។
ត្បិតអី Los Blancos ហាក់មិនសូវទទួលបានផ្លែផ្កាខ្លាំងនារដូវកាលមុន ប៉ុន្តែកីឡាកររបស់ក្លឹបមានមូលដ្ឋាននៅទីក្រុង Madrid ប្រទេសអេស្ប៉ាញ ដូចជា Sergio Ramos, Marcelo, Luka Modric និង Eden Hazard (កីឡាករបែលហ្សិកជោគជ័យនៅ Chelsea) សុទ្ធសឹងជាប់ឈ្មោះក្នុងជម្រើស ១១ រូបល្អបំផុតទាំងអស់។
សេសសល់គឺកីឡាកររបស់ក្លឹប Barcelona, Juventus និង Liverpool មានដូចជា Frenkie de Jong, Leo Messi, De Ligt, Cristiano Ronaldo, Alisson Becker, Virgil van Dijk និង Kylian Mbappe៕ ប្រភព៖ Marca