យោងតាមសារព័ត៌មាន Marca បានឲ្យដឹងថានាយកជាន់ខ្ពស់លោក Eric Abidal របស់ក្លឹប FC Barcelona ត្រូវបានប្រទះឃើញនៅទឹកដីប្រទេសអ៊ីតាលី ដែលមានការសង្ស័យថាកំពុងចែចូវកីឡាករ Fabina Ruiz និងKalidou Koulibaly របស់ក្លឹប Napoli។
ដៃគូដ៏សំខាន់ទាំងពីររូបនេះក៏ជាចំណែកជួយឲ្យក្លឹប Napoli យកឈ្នះទៅលើ Lecce នៅលទ្ធផល ៤-១ កាលពីយប់មិញ រុញឲ្យក្លឹបឡើងឈរនៅលេខ ៣ បណ្តោះអាសន្ន។ តាមពិតទៅទាំង Kouliably និង Ruiz មានដំណឹងល្ហិចល្ហៀងថាគ្រោងផ្លាស់ទៅ Camp Nou តាំងពីប៉ុន្មានឆ្នាំមុនមកម្ល៉េះ ប៉ុន្តែប្រហែលនិយាយថ្លៃមិនត្រូវទើបបន្តលេងឲ្យក្លឹបនៅអ៊ីតាលីដដែល។
សួរនាំចចាមអារ៉ាមនេះ អ្នកចាត់ការក្លឹប Napoli លោក Ancelotti បាននិយាយថា៖ “ខ្ញុំក៏ស្វាគមន៍ Abidal ពេលឃើញគាត់មកដល់ទីនេះ ប៉ុន្តែសម្រាប់រឿងរ៉ាវ Fabian គឺគ្មានបញ្ហាអ្វីទេសព្វថ្ងៃនេះ”៕
ប្រភព៖ FoxSportAsia
