Paris Saint-Germain កន្លងមកបានជោគជ័យលើលក្ខខណ្ឌខ្ចីជើង Mauro Icardi មកចូលរួមនៅទឹកដីបារាំង ក្រោយពីរងរឿងអាស្រូវឥតឈប់ គួបផ្សំនឹងការមកដល់របស់អ្នកថ្មីរួមមាន Lukaku និង Sanchez ចេញពី Old Trafford។
ជជែកជាមួយសារព័ត៌មាន បុរសវ័យ ២៦ ឆ្នាំបាននិយាយម៉ាត់ៗថា៖ “ខ្ញុំធ្លាប់ចាយពេល ៧ ឆ្នាំនៅ Inter ហើយក្តីស្រមៃរបស់ខ្ញុំគឺបានលេងនៅ Champions League ប៉ុន្តែអ្វីដែលធ្វើកន្លងមកគឺមិនបានឈ្នះអ្វីទាល់តែសោះ”។
លោកបន្ត៖ “ខ្ញុំក៏គិតថាដល់ពេលហើយដែលខ្ញុំត្រូវចាកចេញ និងទៅរកជ័យជម្នះនៅក្លឹបថ្មី ហើយក៏ជឿជាក់លើប្រព័ន្ធលេងរបស់ PSG ទាំងមូល វាជាអ្វីដែលខ្ញុំចង់បានផងដែរ”។
បញ្ជាក់ថា Icardi បានបង្ហាញខ្លួនលើកដំបូងនៅប្រកួតទល់ Strasbourg ជាមួយជ័យជម្នះ ១-០ ហើយអំឡុងពេលលេងទល់ Real Madrid ត្បិតគ្មានវត្តមានគេក៏ក្លឹបអាចស៊ីក្រុមអេស្ប៉ាញ ៣-០ ថែមទៀត ដែលវាជាសញ្ញាជោគជ័យដ៏ធំធេងមួយ៕ ប្រភព៖ BeSoccer