បរាជ័យរបស់ Man Utd កាលពីយប់មិញបានរំអុកឲ្យអ្នកគាំទ្រផ្ទុះការរិះគន់កាន់តែខ្លាំង រហូតចង់ទាមទារឲ្យមានការដកចោលតំណែងគ្រូបង្វឹកលោក Ole Gunnar Solskjaerទៀតផង។
ប៉ុន្តែតាមរយៈការយល់ឃើញរបស់អតីតជើងចាស់លោក Rio Ferdinand បានគិតខុសពីមតិនោះ ហើយបាននិយាយនៅលើ Instagram ថា៖ “Ole ចេញ? តើឲ្យគាត់ចេញសម្រាប់អ្វីទៅ? ឬយើងត្រូវតែផ្លាស់ប្តូរគ្រូបង្វឹករៀងរាល់សប្តាហ៍ នេះឬជាអ្វីដែលអ្នករាល់គ្នាចង់បាន”។
លោកបន្តថា៖ “ពេលអ្នកទទួលបានលទ្ធផលមិនល្អ អ្នកចង់ធ្វើការផ្លាស់ប្តូរ ចុះពីរសប្តាហ៍មុន ខ្ញុំមិនបានឃើញនរណានិយាយចង់ឲ្យ Ole ចាកចេញទាល់តែសោះ លុះពីរសប្តាហ៍ក្រោយក៏ស្រាប់តែបែបនេះទៅវិញ”។
បញ្ជាក់ថាបើកឆាកជុំដំបូង Man Utd បានយកឈ្នះទៅលើ Chelsea នៅលទ្ធផល ៤-០ ពេលនោះមានការសាទរខ្លាំង លុះចូលប្រកួតបន្តបន្ទាប់បិសាចក្រហមលេងមិនបានល្អទាល់តែសោះ៕
ប្រភព៖ Sportsmole