ការយកឈ្នះលើក្រុម Sevilla ១-០ នៅយប់មិញនេះ ធ្វើឱ្យលោក Zidane ចាត់ទុកថាជាប្រកួតល្អបំផុតរបស់ Real Madrid គិតចាប់តាំងពីលើកត្រលប់មកដឹកនាំក្រុមនេះ។
Karim Benzema តែត១ក្បាលបញ្ចូលទីនៅនាទី៦៤ ធ្វើឱ្យក្រុម Real Madrid ទទួលបាន៣ពិន្ទុ និងជាការឈ្នះលើកដំបូងនៅដី Sevilla ក្នុងរយៈពេល៤ឆ្នាំចុងក្រោយ។ ជាមួយលទ្ធផលគាប់ប្រសើរនេះដែរ លោក Zidane បានចាត់ទុកប្រកួតនេះ ជាប្រកួតល្អបំផុតមួយរបស់ក្រុមអធិរាជស គិតចាប់តាំងពីលោកមកដឹកនាំក្រុមជាលើកទី២។
អ្នកចាត់ការសញ្ជាតិបារាំងក៏បានបន្ថែមទៀតថាក្រុមទាំងមូលរៀបចំបានល្អសម្រាប់ប្រកួតខាងលើ ហើយពួកគេបានបង្ហាញថាពិតជាចង់ឈ្នះការប្រកួតនេះណាស់។ Hazard , Bale និង James សុទ្ធតែធ្វើបានល្អដូចគ្នា បើទោះជាពួកគេមិនអាចរកគ្រាប់បាល់បានក៏ដោយ៕ប្រភព៖ Marca
