ខ្សែប្រយុទ្ធ Lukaku ចាប់អាជីពនៅក្លឹប Inter Milan កាន់តែល្អឡើងៗហើយ ក្រោយពីរកបានគ្រាប់បាល់កាលពីយប់មិញ ជួយក្រុមឈ្នះ AC Milan ២-០។ខ្សែប្រយុទ្ធមាឌធំ ខាងលើផ្លាស់ទៅលេងនៅក្លឹបអ៊ីតាលីខាងលើក្នុងតម្លៃខ្លួនជាង៧០លានផោនឯណោះ ពីក្រុម Manchester United ។ ការទៅដល់ក្លឹប Inter Milan រូបគេបានបង្ហាញសមត្ថភាពយ៉ាងល្អ បើទោះជាមួយរយៈចុងក្រោយនេះ មានការរើសអើងពីសំណាក់អ្នកគាំទ្រក្រុមដទៃក៏ដោយ។ ជាក់ស្ដែងក្នុងការប្រកួតយប់មិញ Lukaku អាចរកបាន១គ្រាប់ ជួយក្រុមយកបាន៣ពិន្ទុ និងបន្ដមិនចាញ់ក្នុងលីគដើមរដូវកាលនេះ។
ក្រោយចប់ការប្រកួត ខ្សែប្រយុទ្ធបែលហ្សិកខាងបាននិយាយថា៖ “ខ្ញុំមានអារម្មណ៍ល្អក្នុងការប្រកួត។ ក្រោមការដឹកនាំរបស់លោក Conte ខ្ញុំពិតជាពេញចិត្ត ហើយខ្ញុំចង់បានគ្រូបង្វឹកបែបនេះ ដើម្បីអភិវឌ្ឍសមត្ថភាពខ្ញុំបន្ថែមទៀត។ គាត់តែងតែលើកទឹកចិត្តកីឡាករគ្រប់គ្នា មិនថាតែខ្ញុំនោះទេ។ គាត់ជាអ្នកដឹកនាំល្អម្នាក់”៕
ប្រភព៖ DailyMail