Valverde៖ Barcelona ​ត្រូវ​ពង្រឹង​សមត្ថភាព​លេង​ក្រៅ​ដី​

ក្រុម Barcelona ​តាំង​ពី​រដូវ​កាល​មុន​មក ​តែងតែ​ធ្វើ​មិន​បាន​ល្អ​ឡើយ​ក្នុង​ការ​ប្រកួត​ក្រៅ​ដី​របស់​ពួកគេ ​ហេតុដូច្នេះ​ហើយ​ទើប​លោក Valverde ​ដែល​ជា​អ្នក​ចាត់ការ​ក្រុម​ត្រូវ​ពង្រឹង​រឿង​នេះ​ឡើង​វិញ​។

មុន​ការ​ប៉ះ​ក្រុម Granada ​នៅ​ក្រៅ​ដី​ម៉ោង​២​រំលង​អាធ្រាត្រ​នេះ ​លោក Valverde ​បាន​និយាយ​ថា​៖ “វា​អាច​និយាយ​បាន​ថា​ជា​រឿង​ដែល​យើង​ត្រូវ​ដោះ​ស្រាយ។ ការ​លេង​ក្រៅ​ដី ទោះ​ប៉ះ​ក្រុម​ណា​ក៏​យើង​ធ្វើ​មិន​បាន​ល្អ​ដែរ។ ក្រុម​ទាំង​មូល​ត្រូវ​ប្រមូល​អារម្មណ៍​ឱ្យ​បាន​ល្អ​ដូច​ប្រកួត​ក្នុង​ដី​ដែរ ហើយ​ខ្ញុំ​សង្ឃឹម​ថា​វា​នឹង​ធ្វើ​បាន​ឆាប់​ៗ​ខាង​មុខ។ យើង​ការ​ឈ្នះ​ទាំង​ក្នុង​និង​ក្រៅ​ដី ទើប​យើង​អាច​លើក​ពាន​រង្វាន់​បាន”។

ប្រកួត​យប់​នេះ ​ក្រុម Barcelona ​នឹង​មាន​វត្តមាន​របស់ Lionel Messi ​ត្រលប់​ចូល​ជួយ​ក្រុម​វិញ​ហើយ ​ក្រោយ​ពី​ខកខាន​ដោយសារ​របួស​ច្រើន​ប្រកួត​មក។ ​ក្រុម​អ្នក​មាន​បុណ្យ​នេះ ​មាន​កំណត់ត្រា​ក្រៅ​ដី​១០​ប្រកួត​ចុង​ក្រោយ ឈ្នះ​បាន​តែ​២​ដង​គត់៕ប្រភព៖ Dailymail

ភ្ជាប់ទំនាក់ទំនងជាមួយ CTS SPORT