របាយការណ៍បានចុះផ្សាយថាតារាឆ្នើមនៅក្លឹប Real Madrid ពីររូបរួមមាន Gareth Bale និង James Rodriguez បានលែងនិយាយចូលអ្នកចាត់ការលោក Zinedine Zidane ក្រោយពីក្លឹបបរាជ័យនៅលទ្ធផល ៣-០ យ៉ាងស្ពឹកមុខនៅឯទីក្រុងប៉ារីសកាលពីជំនួបជុំដំបូង UCL។
តាមសារព័ត៌មាន Don Balon បានចុះផ្សាយថាកីឡាករទាំងពីររូបដូចបញ្ជាក់ខាងលើ ហាក់មានការខកចិត្តជាខ្លាំងដែលមិនផ្តល់ឱកាសឲ្យពួកគេបង្ហាញខ្លួនញឹកញាប់នៅលើទីលាន ជាពិសេសតាំងពីអំឡុងប្រកួតត្រៀមបើករដូវកាល ហើយលើសពីនេះអ្នកចាត់ការបារាំងថែមទាំងដាក់ចិត្តចង់វ៉ៃចេញកីឡាករសញ្ជាតិវែល [Gareth Bale] ទៀតផង។
ប្រភពបន្តថាដោយមើលឃើញពីស្ថានការណ៍ដ៏សោះកក្រោះទើបលោក Florentino Perez បានប្រញាប់ចូលដោះស្រាយ ហើយព្យាយាមជជែកទៅកាន់កីឡាករទាំងពីររូបឲ្យបញ្ចប់ដោយសន្តិវិធីនិងទទួលបានផលល្អទាំងសងខាង។
បញ្ជាក់ថាក្រោយបិទការប្រកួត Zidane ក៏បង្ហាញពីការមិនពេញចិត្តដល់កីឡាកររបស់ខ្លួនដែរ ត្បិតមិនបញ្ជាក់ឈ្មោះតែលោកនិយាយថា៖ “PSG គេល្អជាងយើងសឹងគ្រប់ផ្នែកទាំងអស់ មិនថាតែតំបន់បម្រើអ្វីនោះទេ បែបនេះវាពិតជាលំបាកប្រសិនយើងចាប់ផ្តើមដោយគ្មានភាពរឹងមាំបែបនេះ”៕
ប្រភព៖ FoxSportAsia