អ្នក​ចាំទី Loris Karius ​បាន​បង្ក​កំហុស​ជា​ថ្មី ធ្វើ​ឱ្យ​ក្រុម  Besiktas ​បរាជ័យ​ក្រោម​ថ្វី​ជើង​ក្រុម​ Slovan Bratislava ​ក្នុង​លទ្ធផល ​៤-២ ​នៅ​ប្រកួត​បើក​ឆាក Europa League ​យប់មិញ​។

Karius ​ចាប់​ផ្ដើម​ស្អុយ​ឈ្មោះ​ខ្លាំង ​ក្រោយ​ពី​បង្កើត​កំហុស​២​គ្រាប់ ធ្វើ​ឱ្យ​ក្រុម Liverpool ​ចាញ់ Real Madrid ​នៅ​វគ្គ​ផ្ដាច់ព្រ័ត្រ​ពាន​រង្វាន់ UEFA Champions League ​។ ​ក្រោយ​ពី​ព្រឹត្តិការណ៍​នោះ​មក ​រូបគេ​ត្រូវ​បាន​ក្រុម Liverpool ​ឱ្យ​ក្លឹប Besiktas ​ខ្ចី​ជើង​២​រដូវ​កាល ​ហើយ​រយៈ​ពេល​កន្លង​មក​នេះ ​កីឡាករ​អាល្លឺម៉ង់​នៅ​តែ​បង្ក​កំហុស​ឆ្គង​ដដែល។

ជាក់​ស្ដែង​នៅ​យប់មិញ​នេះ ​រូបគេ​បាន​ឡើង​ទៅ​ហួស​តំបន់​គ្រោះ​ថ្នាក់ ​និង​រំខាន​ដល់​ខ្សែ​ការពារ​ខ្លួន​ឯង រហូត​ដល់​មាន​ឱកាស​ឱ្យ​ក្រុម​ដៃ​គូ​ក្រុម​ Slovan ​រក​គ្រាប់​បាល់​បាន​យ៉ាង​ស្រួល​។ ការ​ធ្វេស​ប្រហែស​នេះ​ដែរ ​បាន​ធ្វើ​ឱ្យ​អ្នក​គាំទ្រ​មិន​ពេញ​ចិត្ត​នោះ​ទេ ព្រោះ​វា​ជា​រឿង​ដែល​កើត​ឡើង​ហើយ កើត​ឡើង​ទៀត ​ដោយ​អ្នក​ចាំទី​រូប​នេះ​មិន​ព្រម​កែ​ខ្លួន ​និង​យក​ចិត្ត​ទុក​ដាក់​សោះ៕ប្រភព៖ Dailymail

https://twitter.com/btsportfootball/status/1174766898296365057