ខ្សែបម្រើ Casemiro ថាបច្ចុប្បន្ននេះក្រុម Real Madrid ពិតជាមានទម្រង់លេងមិនល្អមែន ប៉ុន្តែវានឹងក្លាយជាបទពិសោធហើយក្រុមនឹងត្រលប់ទៅរកភាពល្អប្រសើរឡើងវិញមិនខាន។
ក្រុមខ្លាំងអេស្ប៉ាញ ទើបស្ពឹកមុខក្រោមថ្វីជើង PSG ៣-០ សម្រាប់ការប្រកួតបើកឆាកក្នុងពូល ពានរង្វាន់ UEFA Champions League ។ ក្នុងការប្រកួតនេះដែរ ក្រុម Real Madrid លេងមិនល្អសោះ ដោយកីឡាករទាំងអស់លេងមិនយល់ចិត្តគ្នាឡើយ ដែលបណ្ដាលឱ្យក្រុម PSG មានឱកាសរកគ្រាប់បាល់បានដល់ទៅ៣គ្រាប់ឯណោះ។
តែទោះជាយ៉ាងនេះក្ដី Casemiro ខ្សែបម្រើម្នាក់របស់ក្រុម Real Madrid បាននិយាយក្រោយចប់ការប្រកួតថា៖ “រឿងពិត យើងលេងមិនល្អ។ PSG បានគ្រប់គ្រងការប្រកួតនេះ ហើយយើងដឹងថាមកលេងនៅបារាំងមិនមែនជារឿងងាយស្រួលទេ។ យើងនឹងបន្ដការខិតខំប្រឹងប្រែងទៀត ហើយត្រលប់មកវិញជាមួយភាពខ្លាំងក្លាជាថ្មី”៕ប្រភព៖ MARCA
