ក្រុម Atletico Madrid បានវាយបករហូតតាមបានស្មើវិញ ២-២ ជាមួយក្រុម Juventus ក្នុងការប្រកួត UEFA Champions League កាលពីយប់មិញនេះ។
ក្នុងការប្រកួតនេះ Juventus ជាអ្នកនាំមុខបានមុនដល់ទៅ២គ្រាប់ឯណោះ គឺធ្វើបានដោយ Cuadrado នាទី៤៨ និង Matuidi នាទី៦៥។ ប៉ុន្តែការនាំមុខនេះ មិនអាចរក្សារហូតដល់ចប់ការប្រកួតនោះទេ ពោលគឺត្រឹមនាទី៧០ Savic ក៏រកបាន១គ្រាប់ឱ្យក្រុម AT Madrid វិញ មុនពេល Herrera ថែមបានគ្រាប់តាមស្មើនៅនាទី៩០ ។ ចប់ការប្រកួត ក្រុមយក្សទាំងពីរនេះ ចែកគ្នាម្នាក់១ពិន្ទុប៉ុណ្ណោះ។
លោក Sarri បាននិយាយក្រោយចប់ការប្រកួតថា៖ “យើងត្រូវបាន៣ពិន្ទុទៅហើយ ប៉ុន្តែចុងក្រោយបែរជាបាត់វាទៅវិញ។ យើងត្រូវរៀនដើម្បីធ្វើយ៉ាងណា រក្សាលទ្ធផលឱ្យបាននៅពេលនាំមុខគេ។ មួយវិញទៀត យើងត្រូវយល់ឱ្យច្បាស់ពីរបៀបលេងការពារបាល់ Set Play ”៕ប្រភព៖ Dailymail