លោក Gareth Southgate គ្រូបង្វឹកក្រុមជម្រើសជាតិអង់គ្លេស ជឿជាក់ថាកូនក្រុមរបស់ខ្លួនអាចនឹងយកបានរង្វាន់ FIFA World Cup 2018 ត្រលប់ទៅស្រុកកំណើតវិញបាន។
ខ្សែប្រយុទ្ធ Harry Kane បានទាត់បញ្ចូលទី៣គ្រាប់ម្នាក់ឯង ជួយក្រុមជម្រើសជាតិអង់គ្លេសឈ្នះប៉ាណាម៉ា ៦-១ ក្នុងប្រកួតទី២បានឡើងទៅវគ្គ១៦ក្រុមចុងក្រោយជាមួយបែលហ្សិក។ ជ័យជម្នះធំក្នុងប្រវត្តិអង់គ្លេសនេះដែរ ត្រូវបានលោក Gareth ដែលជាគ្រូបង្វឹកផ្ទាល់គិតថាឆ្នាំនេះ ជាឆ្នាំសមរម្យបំផុតសម្រាប់អង់គ្លេសក្នុងការយកពាន World Cup ។
បុរសខាងលើបានបញ្ជាក់បន្ថែមថា៖ “ពួកគេកំពុងតែធ្វើរឿងត្រឹមត្រូវហើយ។ គ្រប់គ្នានឹងនិយាយអំពីអាល្លឺម៉ង់ និងប្រេស៊ីល ដែលស៊ុតឈ្នះចុងម៉ោង ប៉ុន្តែយើងបានធ្វើមុនពួកគេទៅទៀតលើក្រុមទុយណេស៊ី។ យើងបានបង្ហាញឱ្យគ្រប់គ្នាបានឃើញរួចទៅហើយ ថាអង់គ្លេសឆ្នាំនេះជាក្រុមមួយដែលអាចប្រជែងជាមួយក្រុមដទៃទៀតបាន”។
ចំពោះរឿងយកពានរង្វាន់នៅឆ្នាំនេះវិញ Gareth ក៏រំពឹងថានឹងអាចធ្វើឱ្យក្ដីស្រមៃក្លាយជាការពិតដែរ។ បើទោះជាការប្រកួតនៅសល់ច្រើនមែន ប៉ុន្តែក្រុមតោកំណាចក៏មិនខ្លាចក្រុមណាទៀតដែរ៕ប្រភព៖ DailyMail