Cristiano Ronaldo បានបញ្ជាក់ថាខ្លួនចង់ឈ្នះពានរង្វាន់ Ballon d’Or ឱ្យបាន៨ពានរង្វាន់ ដើម្បីឱ្យខ្លួនក្លាយជាកីឡាករល្អបំផុតក្នុងប្រវត្តិសាស្ត្របាល់ទាត់។
Ronaldo មានពាន Ballon d’Or ៥ស្មើជាមួយដៃគូប្រជែង Lionel Messi ដែរ។ ក្នុងបទសម្ភាសន៍ថ្មីៗនេះ កីឡាករវ័យ៣៤ឆ្នាំបានបង្ហើបថាគម្រោងរបស់លោកគឺចង់ឈ្នះពាន Ballon d’Or ឱ្យបាន៨ពាន ដើម្បីក្លាយជាកីឡាករល្អបំផុតលើលោក ហើយអ្វីដែលកាន់តែចង់ថែមទៀតនោះគឺឈ្នះឱ្យបានច្រើនជាង Messi ។
“Messi ជាកីឡាករអស្ចារ្យណាស់ ប៉ុន្តែខ្ញុំគិតថាប្រសិនបើខ្ញុំអាចឈ្នះបាន៦ ៧ ឬ៨ នោះខ្ញុំនឹងអាចនៅលើគេជាមិនខាន។ Ballon d’Or ជាពានរង្វាន់កិត្តិយសធំបំផុតក្នុងប្រវត្តិសាស្ត្របាល់ទាត់ ខ្ញុំស្រលាញ់វា ហើយខ្ញុំគិតថាខ្ញុំគួរតែទទួលបានវា។ ទំនាក់ទំនងខ្ញុំនិងគាត់ យើងមិនមែនជាមិត្តនៅស្រុកជាមួយគ្នាមែន ប៉ុន្តែយើងបានប្រកួតប្រជែងគ្នា១៥ឆ្នាំមកហើយ”។ សម្ដី Ronaldo ៕ប្រភព៖ Dailymail