ក្រុមហង្សក្រហម Liverpool បានបរាជ័យក្រោមថ្វីជើង Napoli ក្នុងលទ្ធផល ២-០ ក្នុងការប្រកួតបើកឆាក UEFA Champions League កាលពីយប់មិញនេះ។
នៅឆ្នាំមុន ក្រុម Napoli នេះក៏ស្ថិតក្នុងពូលជាមួយក្រុម Liverpool ដែរ ហើយក្នុងដីពួកគេក៏យកឈ្នះបាន ដូចរដូវកាលនេះដែរ។ ដោយគ្រាន់តែឆ្នាំមុន ឈ្នះ ១-០ ហើយឆ្នាំនេះបន្ដឈ្នះ ២-០ វិញម្ដង។ ២គ្រាប់នៅឆ្នាំនេះ គឺកើតឡើងដោយ Mertens ប៉េណាល់ទីនាទី៨២ និង១គ្រាប់ទៀតជាកំហុសរបស់ Van Dijk ធ្វើឱ្យ Llorenteឆក់យកបាល់បានស៊ុតបញ្ចូលទីនៅនាទី៩០+២។
លោក Klopp បាននិយាយក្រោយចប់ការប្រកួតនេះដែរថា Liverpool បរាជ័យនេះមិនអាក្រក់មើលនោះទេ។ គ្រប់គ្នាសុទ្ធតែបានឃើញពីអ្វីដែលក្រុមហង្សក្រហមបានធ្វើសម្រាប់ការប្រកួតនេះ ហើយក៏មិនអាចបន្ទោសលើការកាត់សេចក្ដីរបស់ VAR ដែរ។ លោកទទួលស្គាល់ជាមួយលទ្ធផលបរាជ័យប្រកួតដំបូង៕ប្រភព៖ Dailymail
