ការប្រកួត FIFA Club World Cup ដែលក្រុមហង្សក្រហមខកខានតាំងពីឆ្នាំ ២០០៥ នឹងត្រូវត្រលប់មកវិញសារជាថ្មី បន្ទាប់ពីពួកគេបានយកឈ្នះទៅលើក្លឹប Tottenham នៅវគ្គផ្តាច់ព្រ័ត្រ Champions League រដូវកាល ២០១៨/១៩។
តាមរយៈការចាប់ឆ្នោតនៅប្រកួតបើកឆាកគឺ Al Sadd SC និងត្រូវប៉ះគ្នាជាមួយ Hienghene Sport ស្របពេលនៅជុំទី ២ មានក្លឹបពីរកំពុងរង់ចាំដោយរួមមាន Monterrey និង Esperance Sportive de Tunis។ បែបនេះមានន័យថាការតតាំងរវាងក្លឹបទាំង ៤ មានមួយនឹងត្រូវចាប់ឲ្យមកប៉ះជាមួយនឹង Liverpool នៅវគ្គពាក់កណ្តាលផ្តាច់ព្រ័ត្រដែលជាកំណត់ដោយស្វ័យប្រវត្តិ។
ការប្រកួតរបស់ Liverpool នឹងធ្វើឡើងនៅថ្ងៃទី ១៨ ធ្នូ ហើយបើក្រុមនេះឈ្នះនឹងបន្តឡើងទៅកាន់វគ្គផ្តាច់ព្រ័ត្រនៅថ្ងៃទី ២១ ធ្នូ។ កាលពីរដូវកាលចាស់ពានរង្វាន់ Club World Cup បានធ្លាក់ទៅលើក្លឹប Real Madrid ហើយស្តេចសក៏ជាក្រុមតែមួយដែលបានឈ្នះពាននេះច្រើនជាងគេផងដែរ៕ ប្រភព៖ FIFA