ក្រុម Dortmund នឹងត្រូវបើកកីឡដ្ឋានរបស់ខ្លួន ស្វាគមន៍ក្រុមភ្ញៀវ FC Barcelona នៅម៉ោង២រំលងអាធ្រាត្រនេះ ក្នុងការប្រកួតពានរង្វាន់ UEFA Champions League វគ្គសន្សំពិន្ទុ។
មុនការប្រកួតសំខាន់នេះកើតឡើង លោក Favre គ្រូបង្វឹកក្រុមក្រុម Dortmund បាននិយាយថាលោកពេញចិត្តនៅពេលបានលេងទល់ក្រុម Barcelona ។ ក្រុមអេស្ប៉ាញនេះ មានទម្រង់លេងផ្សេងគ្នា នៅពេលពួកគេមាន Messi និងអត់ Messi ។ ហើយលោករំពឹងថានៅរាត្រីនេះ កីឡាករអាហ្សង់ទីនបានបានចូលលេងមិនខាន។
គ្រូបង្វឹកវ័យ៦១ឆ្នាំបាននិយាយទៀតថាលោកជឿជាក់លើសមត្ថភាពក្រុម ហើយអមជាមួយការលេងក្នុងដីខ្លួនឯង ដែលមានអ្នកគាំទ្រដ៏អស្ចារ្យថែមទៀតនោះ នឹងអាចធ្វើឱ្យក្រុមទទួលបានលទ្ធផលល្អមិនខាន។ “អ្នកគាំទ្រសំខាន់ណាស់សម្រាប់យើង ហើយពួកគេនឹងក្លាយជាកូនសោសំខាន់ក្នុងការប្រកួតនៅរាត្រីនេះ”៕ប្រភព៖ Dailymail
