Gary Neville ថាបើខ្សែការពារ John Stones និង Nicolas Otamendi លេងក្នុងប្រកួតតែមួយឱ្យក្រុម Manchester City នោះ ក្រុមនេះនឹងគ្មានឱកាសឈ្នះពានរង្វាន់ឡើយ។
លីគអង់គ្លេស សប្ដាហ៍មុន ក្រុម Man City ចាញ់ក្រុម Norwich ក្នុងលទ្ធផល ៣-២ ដោយបរាជ័យនេះកើតឡើងពីកំហុសខ្សែការពារកណ្ដាលរបស់ក្រុម។ John Stones និង Nicolas Otamendi ប្រកួតកន្លងទៅនេះ លេងមិនយល់ចិត្តគ្នាឡើយ ទើបបណ្ដាលឱ្យដៃគូប្រកួតស្វែងរកគ្រាប់បាល់និងឆក់ឱកាសបានយ៉ាងច្រើន។
ជាមួយគ្នានេះដែរ Neville អតីតកីឡាករ Man Utd និងបច្ចុប្បន្នជាអ្នកវិភាគកីឡាម្នាក់បានបញ្ចេញយោបល់ថា៖ “ប្រសិនបើកីឡាករ២នាក់នេះលេងជាមួយគ្នា ហើយទម្រង់លេងដូចបច្ចុប្បន្ន នោះ Man City នឹងមិនឈ្នះលីគឡើយ។ ពួកគេមិនបានផ្តោតលើការប្រកួត ហើយក៏លេងមិនយល់ចិត្តគ្នាទៀត ដែលជាហេតុកើតជាកំហុសឡើង។ ខ្សែការពារដែលមិនយល់ចិត្តគ្នាហើយ នោះនឹងពិបាកលេងល្អខ្លាំងណាស់”៕ប្រភព៖ Dailymail
