ការប្រកួតរវាង Napoli និង Liverpool ក្នុងពូល E នឹងឈានចូលមកដល់នៅថ្ងៃពុធវេលាម៉ោង ០២:០០ នាទីព្រឹក (ម៉ោងនៅកម្ពុជា) ដែលជំនួបវគ្គដំបូងនេះខាងក្រុមអ៊ីតាលីត្រូវធ្វើជាម្ចាស់ផ្ទះ។
មុនឈានដល់ការប្រកួតដ៏កក្រើក បង្វែរទៅមើលខ្សែប្រយុទ្ធ Lorenzo Insigne បាននិយាយថា៖ “ខ្ញុំកំពុងខិតខំថានឹងធ្វើឲ្យបានល្អក្នុងការលេងទល់ Liverpool ដោយលើសពីការរកគ្រាប់បាល់គឺយើងត្រូវស្វែងរកជ័យជម្នះឲ្យទាល់តែបាន”។
លោកបន្តថា៖ “យើងត្រូវតែឆ្ពោះទៅមុខឲ្យកាន់តែឆ្ងាយតាមដែលអាចទៅរួចនៅព្រឹត្តិការណ៍ Champions League ហើយក៏សង្ឃឹមថាអាចឈានដល់វគ្គផ្តាច់ព្រ័ត្រ និងទទួលបានជ័យជម្នះផងដែរ”។
ជជែកដល់គ្រាប់បាល់ល្អបំផុតនៅ UCL សម្រាប់ Insigne បានសង្កត់ធ្ងន់ដល់គ្រាស៊ុត Free Kick ទល់ក្លឹប Borussia Dortmund ដែលកាលនោះលេងនៅទឹកដី San Paolo៕ ប្រភព៖ AF