នៅទីផ្សារដោះដូររដូវរងាខាងមុខ បើតាមដំណឹងល្ហិចល្ហៀងបានឲ្យដឹងថាក្លឹប Manchester United បាននឹងកំពុងត្រៀមរៀបចំការដាក់សំណើទឹកប្រាក់ប្រមាណ ៦៧ លានផោន ដើម្បីចរចាយក Toni Kroos មកចូលរួមជាមួយខ្លួន។
The Times បានឲ្យដឹងថាខ្សែបម្រើសញ្ជាតិអាល្លឺម៉ង់រូបនេះ ជាគោលដៅមុខព្រួញដ៏សំខាន់របស់បិសាចក្រហម ជាពិសេសនៅពេលដែលនិយាយដល់រឿង Paul Pogba គ្រោងចាកចេញទៅចូលរួមនៅ Bernabeu។
រាប់តាំងពីឆ្នាំ ២០១៤ ពេលមកចូលរួមនៅស្តេចស Kroos ក៏រាប់ចូលជាចំណែកដ៏សំខាន់មួយពីមួយឆ្នាំទៅមួយឆ្នាំរបស់ក្លឹប Real Madrid។ រូបគេបានឈ្នះពានរង្វាន់ UEFA Champions League ៣ លើក និង LaLiga ១ លើក ហើយធ្លាប់ត្រូវបានបោះឆ្នោតជាកីឡាករល្អបំផុតរបស់ក្រុមនៅឆ្នាំ ២០១៨ ផងដែរ៕ ប្រភព៖ FoxSportAsia
