ក្រុមជម្រើសជាតិកម្ពុជាអាយុក្រោម១៦ឆ្នាំ នឹងត្រូវប្រកួតបើកឆាកក្នុងពានរង្វាន់ 2020 AFC U16 Championship វគ្គជម្រុះពូល J ដោយត្រូវជួបក្រុម U16 ម៉ាឡេស៊ីដែលជាម្ចាស់ជើងឯក 2019 AFF U15 Championship នៅប្រទេសថៃកាលពីថ្មីៗនេះ។
ក្នុងពូល J នេះកម្ពុជានៅជាមួយម្ចាស់ផ្ទះ U16 ឡាវ ក្រុម U16 ជប៉ុន និងម៉ាឡេស៊ីវ័យក្រោន១៦ឆ្នាំនេះឯង។ កម្ពុជានឹងត្រូវប្រកួតបើកឆាកនៅថ្ងៃទី១៨ខែកញ្ញាឆ្នាំ២០១៩នៅកីឡដ្ឋានជាតិឡាវ ទីក្រុងវៀងច័ន្ធ។ ប្រកួតបន្ទាប់កម្ពុជាត្រូវជួបU16ជប៉ុននៅថ្ងៃទី ២០ខែ កញ្ញាហើយប្រកួតចុងក្រោយកម្ពុជាត្រូវជួបម្ចាស់ផ្ទះឡាវនៅថ្ងៃទី២២ កញ្ញាជាកិច្ចបង្ហើយ។
រូបមន្តនៃការប្រកួតនេះគឺក្រុមកំពូលតារាងនៃពូលនីមួយៗទាំង១១ពូលនិងក្រុមលេខ២ល្អបំផុតបួនក្រុមនឹងឡើងទៅប្រកួតនៅជុំផ្ដាច់ព្រ័ត្រនៅប្រទេសជប៉ុន។ និយាយម៉ាឡេស៊ីវិញ! ទើបតែបំបាក់ក្រុមម្ចាស់ផ្ទះ U15 ថៃ២ទល់១ក្នុងវគ្គផ្ដាច់ព្រ័ត្រ 2019 AFF U15 Championship នៅខេត្ត ឆុន បូរីដែលកាលនោះមានរឿងចម្រូងចម្រាសកើតឡើងផងដែរ។