Philippe Coutinho បានផ្លាស់ទៅចូលរួមនៅទ្រនំថ្មីនៃក្លឹប Bayern Munich លើលក្ខខណ្ឌខ្ចីជើង ក្រោយចាយពេលជាងមួយឆ្នាំជាមួយក្លឹបនៅអេស្ប៉ាញ។ យ៉ាងណាមិញការមករួមរស់នៅទឹកដីអាល្លឺម៉ង់ លោកបានលើកឡើងពីចំណុចលំបាកបំផុតមួយគឺទាក់ទិននឹងភាសាប្រើប្រាស់។
ថ្លែងជាមួយសារព័ត៌មាន Sky អតីតកីឡាករនៅហង្សក្រហមបាននិយាយថា៖ “ទាក់ទិននឹងការប្រាស្រ័យទាក់ទងគឺបាន Thiago ជាអ្នកជួយខ្ញុំ ព្រោះនៅទីនោះបុគ្គលិកខ្លះក៏និយាយភាសាព័រទុយហ្គាល់ ហើយ Thiago ត្បិតសញ្ជាតិប្រេស៊ីលតែគេចេះព័រទុយហ្គាល់ខ្លះដែរ ដោយឡែកសម្រាប់ភាសាផ្លូវការអាល្លឺម៉ង់គឺពិតជាលំបាកខ្លាំងសម្រាប់ខ្ញុំ តែខ្ញុំសម្រេចចិត្តហើយថានឹងព្យាយាមរៀនសូត្របន្ថែមពីវា”។
ជជែកដល់ភាពខុសប្លែកគ្នាឬអត់ធៀបនឹងក្លឹបចាស់ Coutinho បន្ត៖ “ពិតណាស់ វាដូចអ្វីដែលខ្ញុំបានគិតគឺគ្រប់យ៉ាងនៅទីនេះមានភាពទម្លាប់ខ្លះៗហើយ ពោលក៏មិនខុសច្រើនពីការលេងឲ្យ Liverpool ដែរ”៕ ប្រភព៖ AF