Victor Valdes បានកាន់តំណែងជាគ្រូបង្វឹកក្រុមយុវជនរបស់ Barcelona ហើយកាន់តំណែងប្រកួតដំបូងយប់មិញនេះ ក៏ទទួលបានកាតក្រហមបណ្ដេញចេញពីទីលានទៅហើយ។
ការដឹកនាំក្រុម U19 Barcelona ប្រកួតដំបូងនៅយប់មិញនេះ គឺបានយកឈ្នះលើក្រុម U19 Girona ក្នុងលទ្ធផល ១-០ តែគួរឱ្យស្ដាយគ្រូបង្វឹកខាងលើនេះបានកាតក្រហមផងដែរ។ ការត្រូវបណ្ដេញចេញនេះ គឺដោយសារតែលោកបានជេរម៉ែអាជ្ញាកណ្ដាល កាត់សេចក្ដីការប្រកួត។
Valdes ជាអតីតអ្នកចាំទីរបស់ក្រុម Barcelona ដែលបានព្យួរស្រោមដៃកាលពីឆ្នាំ២០១៧កន្លងទៅ។ មុនមកដឹកនាំក្រុមយុវជនរបស់ Barcelona នេះ លោកបានដឹកនាំក្រុម Maratalaz បាន១ឆ្នាំផងដែរពី២០១៨ដល់២០១៩។ ខណៈដែលយប់មិញនេះគឺជាការប្រកួតបើកឆាកលីគយុវជនរបស់ក្រុម Barcelona ដែលលោក Valdes ដឹកនាំ៕ប្រភព៖ Dailymail