Sadiio Mane ថារឿងឈ្លោះគ្នាជាមួយមិត្តរួមក្រុម Salah បានបញ្ចប់ហើយ ក្រោយពីអ្នកទាំងពីរបានជួបតទល់គ្នា និយាយគ្នាដើម្បីយល់ចិត្តទៅវិញទៅមក។
រឿងអ្នកទាំងពីរឈ្លោះគ្នានេះ កើតឡើងពេលក្រុម Liverpool លេងទល់ក្រុម Burnley កាលពីប្រកួតកន្លងទៅ។ រឿងនេះកើតឡើង ដោយ Mane ខឹង Salah នៅពេលបាល់ដាច់ហើយ តែមិនព្រមបោះឱ្យខ្លួនស៊ុត បែរជាព្យាយាមស៊ុតខ្លួនឯងទៅវិញ។ ខណៈដែលពួកគេគឺជាដៃគូប្រយុទ្ធនៅតំបន់ខាងលើឱ្យក្រុម Liverpool ។
តែក្រោយពីមានការសម្រួលគ្នាទៅវិញទៅមក និងកីឡាករទាំងពីរបានទៅជួបតទល់គ្នា ដើម្បីរកសន្តិវិធី ពេលនេះពួកគេយល់ពីគ្នាទៅវិញទៅមកហើយ។ ខណៈដែលបច្ចុប្បន្នក៏អាចលេងជាមួយគ្នាបានជាធម្មតា មិនមានរឿងអន់ចិត្តគ្នាអ្វីទៀតនោះទេ។ Mane បាននិយាយថារឿងខ្លះ ទាល់តែបានជួបមុខគ្នា និយាយគ្នា ទើបយល់ចិត្ត ហើយវាក៏មិនមានរឿងអ្វីធំឡើយ៕ប្រភព៖ Dailymail