លោក Pep Guardiola បានប្រាប់ទៅ Raheem Sterling កុំស្ដាប់សម្ដីអ្នកដទៃ ដែលបានយកខ្លួនទៅប្រៀបជាមួយ Cristiano Ronaldo និង Lionel Messi ។
Sterling កំពុងធ្វើបានល្អមែនទែនមួយរយៈចុងក្រោយនេះ ដោយរកបាន៨គ្រាប់ក្នុងការប្រកួត៧ប្រកួតឱ្យក្រុម Man City និងជម្រើសជាតិអង់គ្លេសហើយគិតត្រឹមរដូវកាលនេះ។ ទម្រង់លេងយ៉ាងល្អនេះហើយ ទើបធ្វើឱ្យអ្នកគាំទ្រមួយចំនួនយកខ្សែប្រយុទ្ធវ័យ២៤ឆ្នាំនេះ ទៅធៀបជាមួយកីឡាករ Ronaldo និង Messi ។
ដោយសារតែមានការយកទៅប្រៀបធៀបច្រើននេះហើយ ទើបបានជាលោក Pep អ្នកចាត់ការក្រុម Man City បានប្រាប់ទៅកូនក្រុមរបស់ខ្លួនថាកុំស្ដាប់ការនិយាយទាំងអស់នោះ។ ប្រសិនបើស្ដាប់ការសរសើរលើកខ្លួនខ្លាំងពេក អាចនឹងធ្វើឱ្យខ្លួនឯងមិនខំហាត់ និងធ្វើឱ្យទម្រង់លេងធ្លាក់ចុះទៅវិញ។ អតីតគ្រូរបស់ Messi បានបន្ថែមទៀតថា Sterling នៅមានកម្រិតល្អបន្ថែមទៀត ដូច្នេះមិនគួរយកទៅប្រៀបធៀបជាមួយនរណានោះទេ៕ប្រភព៖ Dailymail
