ខ្សែប្រយុទ្ធ Luis Suarez អាចចូលលេងឱ្យក្រុម Barcelona លេងទល់ក្រុម Valencia បានវិញហើយនៅចុងសប្ដាហ៍នេះ ក្រោយខកខានប៉ុន្មានប្រកួតមក។
Suarez អាចចូលហ្វឹកហាត់ជាមួយក្រុមបានពេញលេញវិញកាលពីម្សិលមិញនេះ ដោយអាចនឹងចូលលេងបានក្នុងការប្រកួតទល់ក្រុម Valencia នៅចុងសប្ដាហ៍នេះ។ កីឡាករអ៊ុយរុយហ្គាយរូបនេះខកខានប្រកួតឱ្យក្រុម Barcelona តាំងពីប្រកួតទី១មក ពោលគឺប៉ះក្រុម Athletic Club ក៏ទទួលរងរបួសតែម្ដង។ ដោយឡែកសម្រាប់កីឡាករសំខាន់ម្នាក់ទៀត Messi នៅមិនទាន់អាចចូលលេងបានទេចុងសប្ដាហ៏។
ក្រុម Barcelona រំពឹងថាកីឡាករអាហ្សង់ទីននឹងចូលលេងបានពេញជើងតែម្ដង ក្នុងការប្រកួតទល់ក្រុម Dortmund នៅពានរង្វាន់ UEFA Champions League សប្ដាហ៍ក្រោយ។ Messi របួសសាច់ដុំតាំងពីហ្វឹកហាត់ត្រៀមរដូវកាលថ្មីនេះមកម្ល៉េះ៕ប្រភព៖ Marca