គ្រូ​គុយវ៉ែត ត្រូវ​បណ្ដេញ​ចេញ​ក្រោយ​ចាញ់​អូស្ត្រាលី ​៣-០​

​លោក Romeo Jozak ​គ្រូ​បង្វឹក​ក្រុម​ជម្រើស​ជាតិ​គុយវ៉ែត ​ត្រូវ​បណ្ដេញ​ចេញ​ពី​មុខ​តំណែង​ហើយ ​ក្រោយ​ពី​ដឹក​នាំ​ក្រុម​ចាញ់​អូស្ត្រាលី ៣-០។

គុយវ៉ែត ​លុត​ក្រុម​នេប៉ាល់​បាន​ក្នុង​លទ្ធផល ៧-០ ​ក្នុង​ការ​ប្រកួត​ជម្រុះ World Cup 2022 ​នៅ​ប្រកួត​ទី​១ ប៉ុន្តែ​ការ​ប្រកួត​ទី​២​ពួកគេ​ធ្វើ​មិន​បាន​ល្អ​ឡើយ ដោយ​ចាញ់​ក្រុម​អូស្ត្រាលី​ក្នុង​លទ្ធផល ៣-០ ​វិញ។ ការ​ធ្វើ​មិន​បាន​ល្អ​សម្រាប់​ប្រកួត​ទី​២​នេះ​ហើយ បាន​ធ្វើ​ឱ្យ​សហព័ន្ធ​កីឡា​បាល់ទាត់​របស់​គុយវ៉ែត ​សម្រេច​បណ្ដេញ​គ្រូ​បង្វឹក Romeo Jozak ​ជន​ជាតិ​ក្រូអាត​ចេញ​ពី​តំណែង​ហើយ​នៅ​ថ្ងៃ​នេះ។

ក្រុម​ជម្រើស​ជាតិ​ខាង​លើ​នេះ​ស្ថិត​នៅ​ពូល B ​ជាមួយ​ក្រុម​អូស្ត្រាលី ​ហ្សកដានី នេប៉ាល់ ​និង​ឆាយនីសតៃប៉ិ។ ការ​ប្រកួត​បន្ទាប់​របស់​ពួកគេ​នឹង​ត្រូវ​ប៉ះ​ក្រុម​ហ្សកដានី ​នៅ​ថ្ងៃ​ទី​១០​ខែ​តុលា​ឆ្នាំ ២០១៩​ខាង​មុខ ​មុន​ពេល​ប៉ះ​ក្រុម​ឆាយនីសតៃប៉ិ ​នៅ​ថ្ងៃ​ទី​១៤​បន្ទាប់៕ប្រភព៖ Foxsportsasia

ភ្ជាប់ទំនាក់ទំនងជាមួយ CTS SPORT