ក្រុមបាល់ទាត់ជម្រើសជាតិថៃ បានឡើងទៅឈរកំពូលតារាងពូល G ហើយ ក្រោយពីយកឈ្នះលើក្រុមឥណ្ឌូណេស៊ី ក្នុងលទ្ធផល ៣-០ កាលពីយប់មិញនេះ។
វាជាលទ្ធផលល្អសម្រាប់ក្រុមថៃ ក្រោមការដឹកនាំរបស់គ្រូថ្មី Nishino ។ ស្របពេលដែលក្រុមនេះ ទើបតែបានឈ្នះ១ប្រកួតនេះ ប៉ុណ្ណោះ ក្នុងការប្រកួត៥ប្រកួតចុងក្រោយមកនេះ។ ៣គ្រាប់របស់ក្រុមថៃ ធ្វើបាននៅតង់ទី២ទាំងអស់ ហើយវាក៏ធ្វើឱ្យក្រុមម្ចាស់ផ្ទះឥណ្ឌូណេស៊ី មានកំណត់ត្រាអាក្រក់មួយក្នុងដីខ្លួនឯងផងដែរ។ ២ប្រកួតក្នុងដី ឥណ្ឌូណេស៊ី ចាញ់ទាំង២ប្រកួតតែម្ដង ដោយចាញ់ក្រុមម៉ាឡេស៊ី និងក្រុមថៃ។
ប្រកួតបន្ទាប់របស់ក្រុមថៃ នឹងត្រូវប៉ះក្រុម UAE នាថ្ងៃទី១៥ខែតុលាឆ្នាំ២០១៩ខាងមុខនេះ នៅទឹកដីរបស់ពួកគេផ្ទាល់។ សម្រាប់ពូល G នេះដែរ ក្រុមថៃ មានសង្ឃឹមច្រើនថានឹងអាចឡើងទៅវគ្គបន្ដបាន ត្បិតអីជម្រុះឡើងមុនក៏ពួកគេឆ្លងទៅវគ្គបន្ទាប់បានដែរ៕ប្រភព៖ Bangkokpost
