ក្រុមបាល់ទាត់ជម្រើសជាតិអង់គ្លេស បានយកឈ្នះលើក្រុមកូសូវ៉ូ ៥-៣ នាការប្រកួតសន្សំពិន្ទុ Euro 2020 កាលពីយប់មិញនេះ។
ការប្រកួតនេះដែរ អង់គ្លេសរកបាន៥គ្រាប់ទៅហើយនៅត្រឹមតង់ទី១ ប៉ុន្តែបែរជារបូតគ្រាប់បាល់វិញនៅតង់ទី២។ កត្តាលេងការពារមិនល្អរបស់ក្រុមអង់គ្លេសនៅតង់ទី២នេះ ត្រូវបានលោក Gareth Southgate ចាត់ទុកថាជារឿងដែលត្រូវដោះស្រាយខ្លាំងបំផុត។ ក្រុមអង់គ្លេស នឹងមិនអាចឈ្នះអ្វីបានឡើយ ប្រសិនណាបើប្រព័ន្ធការពារខ្សោយបែបនេះ។ លោកបានព្រមានទៅកូនក្រុមថា ពេលលេងប្រកួតសំខាន់ មិនត្រូវការពារភ្លេចភ្លាំងដូច្នេះនោះទេ។
នៅពូល A ក្រុមអង់គ្លេសឈរកំពូលតារាង ដោយមាន១២ពិន្ទុពេញ ឆ្លងកាត់៤ប្រកួតមកនេះ។ ក្រុមអង់គ្លេស ក៏រកគ្រាប់បាល់បានច្រើនផងដែរ ឆ្លងកាត់៤ប្រកួត មាន១៩គ្រាប់ និងរបូតវិញត្រឹម៤គ្រាប់ប៉ុណ្ណោះ៕ប្រភព៖ Dailymail