ខ្សែបម្រើ Kevin De Bruyne ធ្វើបានល្អខ្លាំង ដោយស៊ុតបាន១គ្រាប់ និងបញ្ជូនបាល់ឱ្យមិត្តរួមក្រុមបាន៣គ្រាប់ ក្នុងជ័យជម្នះក្រុមបែលហ្សិកលើស្កុតឡែន ៤-០។
ក្នុងការប្រកួតជម្រុះ Euro 2020 នេះ បែលហ្សិកជាក្រុមលេចធ្លោជាងគេ។ ជាក់ស្ដែងនៅយប់មិញ ពួកគេយកឈ្នះស្កុតឡែន ដោយមិនពិបាកអ្វីឡើយ។ Lukaku រកបាន១គ្រាប់នាទី៩ មុនពេល Vermaelaen ថែមគ្រាប់ទី២ នាទី២៤ ហើយក៏ Alderweireld ដាក់១គ្រាប់ទៀតនាទី៣២។ ៣គ្រាប់ក្នុងតង់ទី១នេះ សុទ្ធតែជាការបញ្ជូនបាល់ពីសំណាក់ខ្សែ បម្រើ Bruyne ទាំងអស់។ កីឡាករ Man City រូបនេះក៏រកបាន១គ្រាប់ខ្លួនឯងដែរ នៅនាទី៨២។
បែលហ្សិក ក្នុងពូល I លេង៦ប្រកួត ឈ្នះទាំង៦ប្រកួត និងរបូតគ្រាប់បាល់តែ១គ្រាប់ប៉ុណ្ណោះ។ ពេលនេះពួកគេឈរនៅលេខ១ មាន១៨ពិន្ទុ តាមពី ក្រោយដោយរុស្ស៊ី លេខ២ មាន១៥ពិន្ទុ៕ប្រភប៖ Dailymail
