Luka Modric ទើបតែឈានចូលវ័យ ៣៤ ឆ្នាំថ្មីៗនេះ ដែលរុញច្រានឲ្យអនាគតរបស់គេនៅក្លឹប Real Madrid អាចនឹងរងមន្ទិលសង្ស័យកាន់តែខ្លាំង។ តំណែងខ្សែបម្រើរបស់ម្ចាស់ពាន Ballon d’Or ឆ្នាំចាស់ ក៏ត្រូវបានក្លឹប Real Madrid លៃលកត្រៀមរកអ្នកជំនួសជាបណ្តើរៗហើយ។
តាមសារព័ត៌មាន Don Balon បានចុះផ្សាយថាក្លឹបស្តេចស Madrid ត្បិតពីមុនធ្លាប់សម្លឹងឃើញ Paul Pogba ប៉ុន្តែមិនអាចយកឈ្នះលើតម្លៃខ្លួនរបស់កីឡាករបារាំងបានឡើយ បែបនេះក៏បង្វែរទៅចរចាយក Donny van de Beek របស់ក្លឹប AFC Ajax ជំនួសវិញ។
យុវជនវ័យ ២២ ឆ្នាំកំពុងក្លាយជារ៉ាដាដែលក្លឹបចង់នាំយកនៅទីផ្សារដោះដូររដូវរងា ជាមួយតម្លៃខ្លួនដែលអាចចាយខ្ពស់បំផុតត្រឹម ៦០ លានអឺរ៉ូ។ ប្រភពក៏សង្កត់ធ្ងន់ថាអ្នកចាត់ការលោក Zinedine Zidane ហាក់ពេញចិត្ត de Beek ស្រាប់ហើយ ណាមួយកំពុងមានតម្រូវការខ្លាំងនៅតំបន់បម្រើ៕ ប្រភព៖ FoxSportAsia