រឿងរ៉ាវនៃការស្វះស្វែងរកភាពជឿទុកចិត្តពីសំណាក់គ្រូបង្វឹកលោក Zinedine Zidane សម្រាប់កីឡាករ James Rodriguez សព្វថ្ងៃបន្តស្ថិតក្រោមមន្ទិលសង្ស័យនៅឡើយ។
តាមរបាយការណ៍ពី Don Balon បានឲ្យដឹងថាប្រសិនណាកីឡាករសញ្ជាតិកូឡុំប៊ីពុំអាចយកឈ្នះចិត្តរបស់ Zidane បាននោះទេ រូបគេក៏នឹងមិនបន្តរួមរស់ជាមួយក្លឹប Real Madrid ទៀតដែរ ហើយជាលទ្ធផលអាចនឹងរកផ្លូវចាកចេញ ដើម្បីមកចូលរួមនៅក្លឹប Juventus ខណៈក្លឹប Turin បានសន្យាហើយស្រេចថានឹងខិតខំចរចាយកកីឡាករវ័យ ២៨ ឆ្នាំឲ្យមកចាប់ដៃជាមួយ Cristiano Ronaldo។
បញ្ជាក់ថា Rodriguezបានចាកចេញពី Monaco នៅឆ្នាំ ២០១៤ មកចូលរួមនៅ Bernabeu ជាមួយតម្លៃខ្លួនប្រមាណ ៧៥ លានអឺរ៉ូ។ ប៉ុន្មានឆ្នាំមកនេះ រូបគេធ្លាប់ឈ្នះ UCL ២ លើក, LaLiga ១ លើក, FIFA Club World Cups ២ លើក និង UEFA Super Cup ២ លើកជាមួយ Los Blancos៕ ប្រភព៖ FoxSportAsia