ម្ចាស់ផ្ទះគោព្រៃកម្ពុជានឹងត្រូវបើកកីឡដ្ឋានជាតិអូឡាំពិកស្វាគមន៍ក្រុមភ្ញៀវបារ៉ែននៅល្ងាចថ្ងៃទី ១០ កញ្ញានេះ ដែលជាជំនួបវគ្គជម្រុះបឋមប្រចាំតំបន់អាស៊ានសម្រាប់ព្រឹត្តិការណ៍ World Cup ឆ្នាំ ២០២២។
តាមការស្ទាបស្ទង់ជំនួបប៉ះគ្នាជាមួយបារ៉ែនអាចនឹងបន្ថែមការលំបាកមួយកម្រិតថែមទៀត ដោយតាមស្ថិតិនៃការប្រកួតក្រោយៗរបស់បារ៉ែនគឺសុទ្ធសឹងទទួលបានលទ្ធផលល្អ ហើយនៅឯចំណាត់ថ្នាក់ FIFA Ranking ប្រទេសស្ថិតក្នុងតំបន់អារ៉ាប់មួយនេះមានលេខរៀងល្អជាងកម្ពុជាច្រើនគួរសម។
នៅចំណាត់ថ្នាក់ FIFA Ranking អាប់ដែតចុងក្រោយបង្អស់ សម្រាប់ជម្រើសជាតិបារ៉ែនឈរនៅលេខរៀងទី ១០៩ ដែលយកឈ្នះទាំងថៃ កូរ៉េខាងជើង ហ្វីលីពីន និងហុងកុងថែមទៀតផង ស្របពេលក្រុមកម្ពុជាឈរនៅលេខរៀងទី ១៧០៕