ក្រុមបាល់ទាត់ជម្រើសជាតិថៃ នឹងត្រូវប្រកួតក្រុមឥណ្ឌូណេស៊ី នៅថ្ងៃស្អែកនេះ វេលាម៉ោង៧:៣០នាទីយប់ វគ្គជម្រុះ World Cup 2022 ។
ក្រុមម្ចាស់ផ្ទះឥណ្ឌូណេស៊ី ទើបតែខកចិត្ត ក្រោយពីចាញ់ក្រុមម៉ាឡេស៊ី ៣-២ ភ្លាត់ចុងម៉ោង ហើយថែមទាំងមានបញ្ហាអ្នកគាំទ្រវាយគ្នាជាមួយក្រុមអ្នកគាំទ្រម៉ាឡេស៊ីក្នុងកីឡដ្ឋានថែមទៀត។ ស្របពេលក្រុមថៃវិញ ក៏មិនល្អដែរប្រកួតមុន ដោយបានត្រឹមស្មើក្រុមវៀតណាម ០-០ ប៉ុណ្ណោះ។ ដូច្នេះប្រកួតនេះ ក្រុមទាំងពីរត្រូវការ៣ពិន្ទុដូចគ្នា ដើម្បីមានសង្ឃឹមក្នុងពូល។
លោក Totchtawan គ្រូជំនួយក្រុមថៃ ដែលធ្លាប់ជាកីឡាករលេងនៅទឹកដីឥណ្ឌូណេស៊ីកាលពីឆ្នាំ១៩៩៧ នោះ បាននិយាយប្រាប់កីឡាករថៃថា៖ “វានឹងក្លាយជាប្រកួតស្វិតស្វាញសម្រាប់ក្រុមទាំងពីរ។ ខ្ញុំធ្លាប់មកទីនេះ ហើយធ្លាប់លេងនៅពីមុខអ្នកគាំទ្រជាង៨ម៉ឺននាក់។ ខ្ញុំបានប្រាប់កីឡាករយើងថាឱ្យព្យាយាមកុំខ្វល់ជាមួយអ្នកគាំទ្រគេពេក ទោះមានរឿងអ្វីក៏ដោយ។ យើងត្រូវតែផ្ដោតលើការប្រកួតលើទីលានបានហើយ”៕
