ក្រុមបាល់ទាត់ជម្រើសជាតិអេស្ប៉ាញបានយកឈ្នះលើក្រុមកោះហ្វារ៉ូ ក្នុងលទ្ធផល ៤-០ ក្នុងការប្រកួតជម្រុះ Euro 2020 កាលពីយប់មិញនេះ។
ក្រៅពីជ័យជម្នះដែលអ្នកគាំទ្រចង់បានហើយនោះ គេសង្កេតឃើញថា De Gea ក៏ទទួលបានការទុកចិត្ត ឱ្យចាប់ជាដៃទី១វិញផងដែរ។ ហើយនេះក៏ជាប្រកួតដំបូងក្នុងប៉ុន្មានប្រកួតចុងក្រោយដែលរូបគេអាច Clean Sheet បានវិញផងដែរ។ អ្នកចាំទីលេងឱ្យក្រុម Man Utd នេះ ធ្លាក់ដៃមួយរយៈចុងក្រោយ ដែលធ្វើឱ្យតំណែងអ្នកចាំទីដៃទី១ ត្រូវបានធ្លាក់លើ Kepa ប៉ុន្មានប្រកួតមកហើយ។ យ៉ាងណាមិញ ការលេងល្អប្រកួតយប់មិញ អាចនឹងធ្វើឱ្យរូបគេទទួលបានការទុកចិត្តវិញពីគ្រូបង្វឹក។
ជ័យជម្នះយប់មិញនេះ បានធ្វើឱ្យអេស្ប៉ាញរក្សាកំណត់ត្រាឈ្នះ១០០%តែម្ដង សម្រាប់ដំណើរជម្រុះ Euro របស់ខ្លួននេះ។ ដោយឡែក វាក៏ជាប្រកួតមួយដែលធ្វើឱ្យប្រធានក្រុម Sergio Ramos មានកំណត់ត្រាលេងឱ្យជម្រើសជាតិស្មើវីរបុរស Iker Casillas ផងដែរ៕ប្រភព៖ Dailymail